Fakauluí

Liliu ʻo e ngaahi tui, loto, mo e moʻui ʻa ha taha ke tali mo tauhi pau ki he finangalo ʻo e ʻOtuá (Ngāue 3:19).

ʻOku kau ʻi he uluí ha fili loto-tauʻatāina ke liʻaki ʻete ngaahi tōʻonga moʻui fuoloá pea liliu ʻo hoko ko ha ākonga ʻa Kalaisi. ʻOku fakakakato ʻa e uluí ʻi he fakatomala, papitaiso ki he fakamolemoleʻi ʻo e ngaahi angahalá, mo hono maʻu ʻo e Laumālie Māʻoniʻoní ʻi he hilifaki ʻo e nimá, mo e hokohoko atu hono tauhi ʻo e tui ki he ʻEiki ko Sīsū Kalaisí. ʻE liliu ʻa e tangata fakakakanó ʻo hoko ko ha tokotaha foʻou ʻa ia kuo fakamaʻa mo haohaoa, pea fanauʻi foʻou ʻia Kalaisi Sīsū (2 Kol. 5:17; Mōsaia 3:19).

Naʻe fakaului ʻa ʻĪnosi, ʻĪnosi 1:2–5.
Naʻe fakatupu ʻe he ngaahi folofola ʻa e Tuʻi ko Penisimaní ha fuʻu liliu lahi ʻi he kakaí, Mōsaia 5:2 (ʻAlamā 5:12–14).
Kuo pau ke fanauʻi foʻou ʻa e faʻahinga kotoa ʻo e tangatá, ʻio, ke nau fanauʻi ʻi he ʻOtuá, Mōsaia 27:25.
Naʻe fakaului ʻa ʻAlamā mo e ngaahi foha ʻo Mōsaiá, Mōsaia 27:33–35.
Naʻe fakaului ʻa e tamai ʻa Lamōnaí, ʻAlamā 22:15–18.
ʻI he māfimafi mo e folofola ʻa e ʻOtuá, kuo ului ʻa kinautolu ki he ʻEikí, ʻAlamā 53:10.
ʻOku hanga ʻe he fakatomalá ʻo fakatupu ha liliu ʻi he lotó, Hilam. 15:7.
Ko kinautolu kotoa pē naʻe uluí naʻa nau matuʻaki fakamoʻoniʻi kuo ʻaʻahi kiate kinautolu ʻa e māfimafi mo e Laumālie ʻo e ʻOtuá, 3 Nīfai 7:21.
Koeʻuhi ko ʻenau tui kia Kalaisí ʻi he taimi naʻe fakaului ai ʻa kinautolu, naʻe papitaiso ʻa kinautolu ʻaki ʻa e afi mo e Laumālie Māʻoniʻoni, 3 Nīfai 9:20.