Moʻuí Vakai foki ki he Maama ʻo Kalaisí; Moʻui Taʻengatá Ko e moʻui fakatuʻasino mo fakalaumālie ia ʻoku fakatupu ʻe he mālohi ʻo e ʻOtuá. Kuó u fokotuʻu ʻi homou ʻaó ʻi he ʻahó ni ʻa e moʻuí mo e leleí, Teut. 30:15–20. Te ke fakahā mai kiate au ʻa e hala ʻo e moʻuí, Same 16:11. Ko ia ʻoku tulituli pau ki he māʻoniʻoní te ne maʻu ʻa e moʻuí, LFkt. 21:21. Ko ia ʻoku kalofaki ʻene moʻuí, ʻe mole ia ʻiate ia, ka ko ia ʻoku mole ʻene moʻuí koeʻuhi ko aú, ʻe maʻu ʻe ia ia, Mātiu 10:39 (Mātiu 16:25; Maʻake 8:35; Luke 9:24; 17:33). Naʻe ʻikai haʻu ʻa e Foha ʻo e Tangatá ke fakaʻauha ʻa e moʻui ʻa e kakaí ka ke fakamoʻui, Luke 9:56. Naʻe ʻiate ia ʻa e moʻuí, pea ko e moʻuí ko e maama ia ʻo e tangatá, Sione 1:4. Ko ia ia ʻoku tui kiate ia naʻá ne fekau aú, ʻoku hao ia mei he maté ki he moʻuí, Sione 5:24. Ko au ko e hala, ko e moʻoni pea mo e moʻuí, Sione 14:6. Kapau ʻoku ngata ʻi he moʻuí ni ʻa ʻetau ʻamanaki kia Kalaisí, ko e malaʻia lahi taha pē ʻa kitautolu, 1 Kol. 15:19–22. Ko e anga faka-ʻOtuá ʻoku ai ʻa e talaʻofa ki he moʻui ko ʻení, pea mo ia ʻe hoko maí, 1 Tīm. 4:8. Koeʻuhi ke lava ʻe heʻemau fānaú ʻo ʻamanaki ki he moʻui ko ia ʻoku ʻia Kalaisí, 2 Nīfai 25:23–27. Ko e moʻuí ni ko e taimi ia ki he tangatá ke teuteu ai ke feʻiloaki mo e ʻOtuá, ʻAlamā 34:32 (ʻAlamā 12:24). Ko au ko e maama mo e moʻui ʻo e māmaní, 3 Nīfai 9:18 (Mōsaia 16:9; 3 Nīfai 11:11; ʻEta 4:12). ʻE monūʻia ʻa kinautolu ʻe faivelengá, neongo pe ʻi he moʻuí pe ʻi he maté, T&F 50:5. Ko ʻeni ʻa e ngaahi moʻui taʻengatá, ke ʻiloʻi ʻa e ʻOtuá mo Sīsū Kalaisi, T&F 132:24. Ko ʻeku ngāué ʻeni mo hoku nāunaú, ke fakahoko ʻa e moʻui taʻemate mo e moʻui taʻengata ʻa e tangatá, Mōsese 1:39.