Maika
Ko ha palōfita ʻi he Fuakava Motuʻá. pea ko e tangata mei Molesiti Kati, ʻi he ngaahi potu fonua tokalelei ʻo Siutá; pea naʻá ne kikite ʻi he taimi naʻe hoko ai ʻa Hesekaia ko e tuʻí (Maika 1:1–2).
Ko e tohi ʻa Maiká
Ko e tohi Maiká pē taha ʻi he Fuakava Motuʻá kotoa ʻoku fakahā ai ko Pētelihema ʻa e feituʻu ʻe ʻaloʻi mai ai ʻa e Mīsaiá (Maika 5:2). Naʻe folofola mai ʻa e ʻEikí ʻi he tohí ni ki hono kakaí ʻo ne fakalau mai ai ʻa ʻene ngaahi angalelei kiate kinautolu ʻi he kuohilí; pea naʻá ne finangalo ke nau faitotonu, mo loto ki he ʻofa mo angavaivai (Maika 6:8).