Faʻeé Vakai foki ki he Fāmilí; Mātuʻá; ʻIvi Ko ha hingoa toputapu ia ʻoku ʻuhinga ki ha fefine ʻa ia ʻokú ne fanauʻi mai pe ohi ha fānau. ʻOku tokoni ʻa e ngaahi faʻeé ʻi he palani ʻa e ʻOtuá ʻi heʻenau ʻomi ha ngaahi sino fakamatelie ki he fānau fakalaumālie ʻa e ʻOtuá. Naʻe ui ʻe ʻĀtama ʻa e hingoa hono ʻunohó ko ʻIvi, koeʻuhi ko e faʻē ia ʻo e kakai moʻui kotoa pē, Sēnesi 3:20 (Mōsese 4:26). Fakaʻapaʻapa ki hoʻo tamaí mo hoʻo faʻeé, ʻEke. 20:12 (ʻEfesō 6:1–3; Mōsaia 13:20). ʻOua naʻa liʻaki ʻa e fono ʻa hoʻo faʻeé, LFkt. 1:8. ʻOku fehiʻa ʻa e tangata valé ki heʻene faʻeé, LFkt. 15:20 (LFkt. 10:1). ʻOua naʻá ke taʻeʻofa ki hoʻo faʻeé ʻo ka motuʻa ia, LFkt. 23:22. ʻOku tupu hake ʻene fānaú mo hono ʻunohó ʻo ui ia ko e monūʻia mo fakaongoongoleleiʻi ia, LFkt. 31:28. Naʻe tuʻu ʻa e faʻē ʻa Sīsuú ʻo ofi atu ki he kolosí, Sione 19:25–27. Naʻe akoʻi ʻa e kau talavou tau Leimana ʻe toko ua afé ʻe heʻenau ngaahi faʻeé, ʻAlamā 56:47 (ʻAlamā 57:21). Naʻe kau ʻa ʻetau Faʻē nāunauʻia ko ʻIví ʻi he kau tuʻu-ki-muʻa mo maʻongoʻonga ko ia naʻe akoʻi ʻe he ʻEikí ʻi he maama fakalaumālié, T&F 138:38–39.