Foha ʻo e Malaʻiá, Ngaahi

Ko e kau muimui kia Sētane ʻa ia te nau mamahi fakataha mo ia ʻi he taʻengatá. ʻOku kau ʻi he ngaahi foha ʻo e malaʻiá (1) ʻa kinautolu naʻa nau muimui kia Sētane pea naʻe lī hifo ʻa kinautolu mei he langí koeʻuhi ko ʻenau angatuʻu ʻi he maama fakalaumālié, pea (2) ko kinautolu naʻe fakaʻatā ke fanauʻi mai ʻa kinautolu ki he māmani ko ʻení mo ha sino fakamatelie ka naʻa nau tauhi kia Sētane pea tafoki fakaʻaufuli mei he ʻOtuá. Ko kinautolu ʻi he kulupu hono uá te nau toe tuʻu hake mei he maté ka ʻe ʻikai huhuʻi ʻa kinautolu mei he mate ʻanga uá (mate fakalaumālié) pea ʻe ʻikai te nau lava ʻo nofo ʻi ha puleʻanga ʻo e nāunau (T&F 88:32, 35).