ʻEsi-feilaulaú Vakai foki ki he Feilaulaú Ko ha meʻa ia naʻe langa ke fai ai ʻa e ngaahi feilaulau, ngaahi foaki, mo e hū. Naʻe langa ʻe Noa ha ʻesi-feilaulau ki he ʻEikí peá ne ʻo hake ai ha ngaahi feilaulau tutu, Sēnesi 8:20. Naʻe langa ʻe ʻĒpalahame ha ʻesi-feilaulau ki he ʻEikí, Sēnesi 12:7–8. Naʻe haʻi ʻe ʻĒpalahame ʻa ʻAisake ko hono fohá ʻi he funga ʻesi-feilaulaú, Sēnesi 22:9 (Sēnesi 22:1–13). Naʻe langa ai ʻe Sēkope ha ʻesi-feilaulau ʻo ne ui ʻa e potu ko iá ko ʻEle-pēteli, Sēnesi 35:6–7. Naʻe langa ʻe ʻIlaisiā ha ʻesi-feilaulau peá ne pole ki he kau taulaʻeiki ʻa Pealí, 1 Ng. Tuʻi 18:17–40. Kapau te ke ʻomi hoʻo meʻa-foakí ki he ʻesi-feilaulaú, tomuʻa fakalelei ki ho kāingá, Mātiu 5:23–24. Naʻá ku mamata ʻi he lalo ʻesi-feilaulaú ki he ngaahi laumālie ʻo kinautolu naʻe tāmateʻi koeʻuhi ko e folofola ʻa e ʻOtuá, Fakahā 6:9 (T&F 135:7). Naʻe langa ʻe Līhai ha ʻesi-feilaulau ʻo e maka peá ne ʻo hake ʻa e fakafetaʻi ki he ʻEikí, 1 Nīfai 2:7. Naʻe fakahaofi ʻa ʻĒpalahame mei he mate ʻi he funga ʻesi-feilaulau ʻo ʻElikená, ʻĒpa. 1:8–20.