Ke fai ʻa e ngāue ʻa e ʻEikí ʻi he māmaní. Kuo pau ke ui ʻe he ʻOtuá ʻa e kau tamaioʻeiki ʻa e ʻOtuá ʻa ia kuo filí kae lava ke nau fai ʻa e ngāue ko ʻení. Ko e taimi ko ia ʻoku fai ai ʻe he kau faifekau moʻoní ʻa e finangalo ʻo e ʻEikí, ʻoku nau fakafofongaʻi ai ʻa e ʻEikí ʻi honau ngaahi fatongiá pea nau hoko ai ko hono kau fakafofonga (T&F 64:29), ko ia te nau fakahoko ai ʻa e ngāue ki hono fakamoʻui ʻo e faʻahinga ʻo e tangatá. Kuo ʻosi tuku mai ʻe he ʻEikí ki he kau ʻAposetoló, kau palōfitá, kau ʻevangelioó, kau taulaʻeiki lahí, kau fitungofulú, kaumātuʻá, kau pīsopé, kau taulaʻeikí, kau akonakí, mo e kau tīkoní, ʻa e ngaahi tokoni, mo e ngaahi pule ki hono fakahaohaoaʻi ʻo e Kau Māʻoniʻoní, pea ki he ngāue fakafaifekaú (ʻEfesō 4:11–16; 1 Kol. 12:12–28; T&F 20; 107).