Penitekosi

ʻOku hoko ko e konga ʻo e fono ʻa Mōsesé, ʻa hono fai ʻo e kātoanga ʻo e Penitekosí pe ko e ʻuluaki fuá ʻi he ʻaho ʻe nimangofulu hili ʻa e kātoanga ʻo e Laka Atú (Lev. 23:16). Naʻe hoko ʻa e Penitekosí ko e kātoanga fakafiefiaʻi ʻo e utu-taʻú, pea naʻe ui ia ʻi he Fuakava Motuʻá ko e kātoanga ʻo e utu-taʻú pe ko e kātoanga ʻo e ngaahi uiké. Ko e kātoanga ʻeni naʻe lolotonga fai ʻi he taimi naʻe fakafonu ai ʻa e kau ʻAposetoló ʻaki ʻa e Laumālie Māʻoniʻoní ʻi Selūsalema pea nau lea ʻaki ʻa e ngaahi lea kehekehé (Ngāue 2; T&F 109:36–37).