Lea Koví Vakai foki ki he Fekeʻikeʻí; Laú; Loí; Talanoa Loí Ko e lea ʻaki ʻo e ngaahi meʻa ʻoku hala, fakatupu loto-mamahi, pe fakalielia. ʻOku faʻa fai ʻa e ngaahi lea pehē ʻi he folofolá ki ha toko taha ʻo fakataumuʻa ki hono fakatupu haʻane mamahi. Taʻofi ho ʻeleló mei he kovi, Same 34:13 (1 Pita 3:10). ʻOku keli hake ʻa e koví ʻe he tangata angakoví, LFkt. 16:27. ʻOku monūʻia ʻa kimoutolu ʻo ka manukia ʻa kimoutolu ʻi he meʻa kovi kotoa pē, Mātiu 5:11 (3 Nīfai 12:11). ʻOku haʻu mei he lotó ʻa e mahalo koví, Mātiu 15:19 (Maʻake 7:21). ʻOua naʻá ke lea kovi ki he pule ʻa hoʻo kakaí, Ngāue 23:5. Tuku ke mamaʻo meiate kimoutolu ʻa e lea fakakovi kotoa pē, ʻEfesō 4:31. ʻOua naʻa feleakoviʻaki ʻa kimoutolu kiate kimoutolu, Sēmisi 4:11. Tokanga ke ʻoua naʻa ʻi ai ha lauʻikovi, pe lea kovi, T&F 20:54.