Ko hono ʻuhinga ʻo e ʻAposetoló ʻi he lea faka-Kilikí ko e “tokotaha ʻoku fekauʻi atu.” Ko e hingoa ia naʻe ʻai ʻe Sīsū ki he Toko Hongofulu Mā Ua naʻá ne fili mo fakanofo ke hoko ko ʻene kau ākonga mo hono kau tokoni ofi taha lolotonga ʻene ngāue fakafaifekau ʻi he māmaní (Luke 6:13; Sione 15:16). Naʻá ne fekauʻi atu ʻa kinautolu ke nau fakafofongaʻi ia mo ngāue maʻana hili ʻene hāʻele hake ki he langí. ʻOku hoko ʻa e ʻAposetolo ʻi he kuonga muʻá pea mo e Kōlomu ʻo e Kau ʻAposetolo ʻe Toko Hongofulu Mā Ua ʻi he Siasi kuo toe fakafoki mai ʻi he ʻaho ní ko ha fakamoʻoni makehe kia Sīsū Kalaisi ʻi he māmaní kotoa ke fakamoʻoniʻi hono faka-ʻOtuá mo ʻene toetuʻu mei he pekiá (Ngāue 1:22; T&F 107:23).
Fili ʻo e Kau ʻAposetoló
ʻOku fili ʻa e kau ʻAposetoló ʻe he ʻEikí (Sione 6:70; 15:16).