Ko e ʻiloʻi ia ʻo e ngaahi meʻa ʻo hangē ko honau anga ʻoku ʻi aí, pea naʻa nau ʻi aí, pea te nau hoko ki aí (T&F 93:24 ). ʻOku toe ʻuhinga foki ʻa e moʻoní ki he maama mo e fakahā mei he langí.
Pea te mou ʻilo ʻa e moʻoní pea ʻe fakatauʻatāinaʻi ʻa kimoutolu ʻe he moʻoní, Sione 8:32 .
Ko au ko e halá, ko e moʻoní, pea mo e moʻuí, Sione 14:6 .
Kapau te tau pehē ʻoku ʻikai haʻatau angahala, ʻoku ʻikai ʻiate kitautolu ʻa e moʻoní, 1 Sione 1:8 .
ʻOku lau ʻe he halaiá ʻoku fefeka ʻa e moʻoní, 1 Nīfai 16:2 .
ʻOku ʻofa ʻa e kau māʻoniʻoní ki he moʻoní, 2 Nīfai 9:40 .
ʻOku folofola ʻaki ʻe he Laumālié ʻa e moʻoní pea ʻoku ʻikai loi, Sēkope 4:13 .
Ko e ʻOtua koe ʻo e moʻoní, pea ʻoku ʻikai te ke loi, ʻEta 3:12 .
ʻI he mālohi ʻo e Laumālie Māʻoniʻoní te mou ʻiloʻi ai hono moʻoni ʻo e ngaahi meʻa kotoa pē, Molonai 10:5 .
ʻOku tuʻu ʻa e moʻoní ʻo taʻengata pea taʻengata, T&F 1:39 .
Kuo fakamaama koe ʻe he Laumālie ʻo e moʻoní, T&F 6:15 .
ʻOku ʻi he Tohi ʻa Molomoná ʻa e moʻoni mo e folofola ʻa e ʻOtuá, T&F 19:26 .
Naʻe fekauʻi atu ʻa e Fakafiemālié ke akoʻi ʻa e moʻoní, T&F 50:14 .
Ko ia ia ʻokú ne maʻu ʻa e folofolá ʻi he Laumālie ʻo e moʻoní ʻokú ne maʻu ia ʻo hangē ko hono malanga ʻaki ia ʻi he Laumālie ʻo e moʻoní, T&F 50:17–22 .
Fakahā ʻa e moʻoní ʻo fakatatau ki he ngaahi fakahā kuó u tuku kiate kimoutolú, T&F 75:3–4 .
ʻIlonga ʻa e moʻoní ko e māmá ia, T&F 84:45 .
Ko e maama ʻo Kalaisí ʻa e maama ʻo e moʻoní, T&F 88:6–7, 40 .
Ko hoku Laumālié ko e moʻoní, T&F 88:66 .
Ko e ʻatamai potó [ʻiniteliseni], pe ko e maama ʻo e moʻoní, naʻe ʻikai ke fakatupu pe ngaohi ia, T&F 93:29 .
Ko e nāunau ʻo e ʻOtuá ko e ʻatamai potó, pe, ko hono ʻai ʻe tahá, ko e maama mo e moʻoni, T&F 93:36 .
Kuó u fekau kiate kimoutolu ke mou akonakiʻi hake ʻa hoʻomou fānaú ʻi he māmá mo e moʻoní, T&F 93:40 .