Sēmisi, Foha ʻo Sēpetí

Ko e toko taha ʻo e kau ʻAposetolo ʻe Toko Hongofulu Mā Ua naʻe fili ʻe Sīsū lolotonga ʻene ngāue fakafaifekau ʻi he moʻui fakamatelié. Ko e tokoua ia ʻo Sione. Ko e toko taha ia ʻo e kau ʻAposetolo ʻe toko tolu naʻe fili ke nau ʻia Sīsū ʻi he ngaahi meʻa makehe ʻe niʻihi naʻe hoko: ʻi hono fokotuʻu hake ʻa e ʻofefine ʻo Sailosí (Maʻake 5:37), ʻi he Liliú (Mātiu 17:1; Maʻake 9:2; Luke 9:28), pea ʻi Ketisemani (Mātiu 26:37; Maʻake 14:33). Naʻá ne kau mo Pita mo Sione ʻi hono fakafoki mai ʻo e Lakanga Taulaʻeiki Faka-Melekisētekí ki he māmaní ʻi hono fakanofo ʻo Siosefa Sāmitá (T&F 27:12; 128:20; SS—H 1:72).