Talangofuá Vakai foki ki he Fekau ʻa e ʻOtuá, Ngaahi; Fiefiá; Fonó; Tāpuakí, Tāpuakiʻí, Tāpuekiná; Tokangá; ʻAʻevá, ʻAʻeva mo e ʻOtuá ʻI he ʻuhinga fakalaumālié, ko e talangofuá ʻa e fai ki he finangalo ʻo e ʻOtuá. Naʻe fai ʻe Noa ʻo hangē ko ia kotoa pē naʻe fekau kiate ia ʻe he ʻOtuá, Sēnesi 6:22. Naʻe talangofua ʻa ʻĒpalahame ki he ʻOtuá, Sēnesi 22:15–18. Ko e meʻa kotoa pē kuo folofola ki ai ʻa Sihová te mau fai, ʻEke. 24:7. Ko ia ke ke fanongo, ʻe ʻIsileli, pea tokanga ke fai ki ai, Teut. 6:1–3. Ke ke ʻofa kia Sihova peá ke fai talangofua ki hono leʻó, Teut. 30:20. ʻOku lelei lahi ʻa e talangofuá ʻi he feilaulau, 1 Sam. 15:22. Ke ke manavahē ki he ʻOtuá peá ke fai ki heʻene ngaahi fekaú, Tngt. 12:13–14. ʻE ʻikai hū ki he puleʻanga ʻo e langí ʻa e kakai kotoa pē ka ko ia ʻokú ne fai ʻa e finangalo ʻo e Tamaí, Mātiu 7:21 (3 Nīfai 14:21). Kapau ʻe fai ha tangata ki hono finangaló te ne ʻilo pe ʻoku mei he ʻOtuá ʻa ʻene akonakí, Sione 7:17. ʻOku totonu ke mau talangofua ki he ʻOtuá ʻi he tangatá, Ngāue 5:29. ʻA e fānau mou talangofua ki hoʻomou mātuʻá, ʻEfesō 6:1 (Kolose 3:20). Te u ʻalu ʻo fai ʻa e ngaahi meʻa kuo fekau ʻe he ʻEikí, 1 Nīfai 3:7. Naʻá ku talangofua ki he leʻo ʻo e Laumālié, 1 Nīfai 4:6–18. Kapau ʻe hanga ʻe he fānau ʻa e tangatá ʻo tauhi ʻa e ngaahi fekau ʻa e ʻOtuá ʻokú ne fafanga ʻa kinautolu, 1 Nīfai 17:3. Tokanga telia naʻa mou talangofua ki he laumālie angakovi, Mōsaia 2:32–33, 37 (T&F 29:45). ʻOku maʻu ʻe he tangatá ʻa ʻenau ngaahi totongí ʻo fakatatau ki he laumālie naʻa nau fie talangofua ki aí, ʻAlamā 3:26–27. ʻOku totonu ke fai ʻe he tangatá ʻa e ngaahi meʻa lahi ko ʻenau faʻiteliha ʻanautolu pē, T&F 58:26–29. ʻOku ʻikai ha meʻa ʻoku fakatupu houhau ai ʻe he tangatá ki he ʻOtuá, ka ko kinautolu pē ʻoku ʻikai ke nau fakamoʻoni ʻa e kau mai hono toʻukupú pea ʻoku ʻikai ke nau talangofua ki heʻene ngaahi fekaú, T&F 59:21. Ko au, ko e ʻEikí, ʻoku ou haʻisia ʻo ka mou ka fai ʻa e meʻa ʻoku ou leaʻakí, T&F 82:10. Ko e tangata kotoa pē ʻe talangofua ki hoku leʻó te ne mamata ki hoku matá pea ʻiloʻi ʻoku ou ʻi ai, T&F 93:1. ʻOku ʻaonga ke tauteʻi ʻa hoku kakaí kae ʻoua ke nau ako ke talangofua, T&F 105:6. ʻO ka tau ka maʻu ha tāpuaki mei he ʻOtuá, ʻoku tupunga ia ʻi he talangofua ki he fono ʻa ia ʻoku makatuʻunga ia ki aí, T&F 130:21. Naʻe talangofua ʻa ʻĀtama, Mōsese 5:5. Te tau siviʻi ʻa kinautolu ʻi he meʻá ni ke vakai pe te nau fai ʻa e ngaahi meʻa kotoa pē ʻe fekau ʻe he ʻEikí kiate kinautolú, ʻĒpa. 3:25.