Sēnesi

Ko ha foʻi lea faka-Kiliki ʻoku ʻuhinga ki he, “tupuʻanga” pe “kamataʻanga.” Ko e tohi fika ʻuluaki ʻi he Fuakava Motuʻá ʻa e tohi Sēnesí, pea naʻe tohi ia ʻe he palōfita ko Mōsesé. ʻOku ʻi ai ha fakamatala ʻi he tohi Sēnesí ki ha ngaahi kamataʻanga lahi, hangē ko hono fakatupu ʻo e māmaní, ko hono ʻomi ʻo e fanga manú mo e tangatá ki he māmaní, ko e hinga ʻa ʻĀtama mo ʻIví, ko hono fakahā ʻo e ongoongoleleí kia ʻĀtama, ko e kamataʻanga ʻo e ngaahi faʻahinga mo e ngaahi kakaí, ko e tupuʻanga ʻo e ngaahi lea kehekehe ʻi Pēpelí, ko e kamataʻanga ʻo e fāmili ʻo ʻĒpalahamé ʻo aʻu ki hono fokotuʻu ʻo e fale ʻo ʻIsilelí. ʻOku fakamamafaʻi ʻi he tohi Sēnesí ʻa e fatongia ʻo Siosefa ʻi heʻene hoko ko e tokotaha tauhi fakatolonga ʻo ʻIsilelí.

ʻOku hanga ʻe he fakahā ʻi he ngaahi ʻaho ki mui ní ʻo fakamoʻoniʻi mo fakamahinoʻi ʻa e tohi ʻa Sēnesí (1 Nīfai 5; ʻEta 1; Mōsese 1–8; ʻĒpa. 1–5).

ʻOku fakamatala ʻa e vahe 1–4 ʻo e tohi Sēnesí ki he fakatupu ʻo e māmaní mo hono fakatupulekina ʻo e fāmili ʻo ʻĀtamá. ʻOku tohi ʻi he vahe 5–10 ʻa e hisitōlia ʻo Noá. ʻOku fakamatala ʻi he ʻa e 11–20 kia ʻĒpalahame mo hono fāmilí ʻo aʻu mai ki he taimi ʻo ʻAisaké. ʻOku hoko atu ʻe he vahe 21–35 ʻa e fakamatala ki he fāmili ʻo ʻAisaké. ʻOku fakamatala ʻa e vahe 36 kia ʻĪsoa mo hono fāmilí. ʻOku fakamatala ʻa e vahe 37–50 ki he fāmili ʻo Sēkopé pea fakamatala foki ki hono fakatau atu ʻo Siosefa ki ʻIsipité mo hono fatongia ʻi heʻene hoko ko e tokotaha ke ne fakahaofi ʻa e fale ʻo ʻIsilelí.