ʻOku hanga ʻe hono maʻu ʻo e Laumālie ʻo e ʻEikí ʻo fakatupu ha fuʻu liliu lahi ʻi he loto ʻo ha taha ʻo ʻikai ai te ne toe maʻu ʻa e holi ke faikovi, ka ko e holi pē ke fekumi ki he ngaahi meʻa ʻa e ʻOtuá.
Ko kinautolu naʻe tui ki he huafa ʻo Kalaisí, naʻe fanauʻi ʻa kinautolu, ʻikai ʻi he toto, kae ʻi he ʻOtuá, Sione 1:12–13 .
Kapau ʻe ʻikai fanauʻi foʻou ha tangata ʻi he vai pea mo e Laumālie, ʻe ʻikai faʻa hū ia ki he puleʻanga ʻo e ʻOtuá, Sione 3:3–7 .
Te tau lava ʻo fanauʻi foʻou ʻi he folofola ʻa e ʻOtuá, 1 Pita 1:3–23 .
Ko ia ia ʻoku fanauʻi ʻi he ʻOtuá ʻe ʻikai nofo maʻu ia ʻi he angahalá, LSS, 1 Sione 3:9 .
Ko ia kotoa pē ʻoku fanauʻi ʻi he ʻOtuá, ʻokú ne ikuna ʻa māmani, 1 Sione 5:4 .
Ko kinautolu ʻoku fanauʻi ʻia Kalaisí ʻoku nau fuakava mo e ʻOtuá, Mōsaia 3:19 ; 5:2–7 .
Kuo pau ke fanauʻi foʻou ʻa e kakai kotoa pē; ʻio, ʻo fanauʻi ʻi he ʻOtuá, Mōsaia 27:25–26 (ʻAlamā 5:49 ).
Kuo mou fanauʻi fakalaumālie koā ʻi he ʻOtuá? ʻAlamā 5:12–19 .
Kapau kuo ʻikai te mou fanauʻi foʻou, ʻe ʻikai te mou maʻu ʻa e puleʻanga ʻo e langí, ʻAlamā 7:14 .