Fanongonongo Fakamafaiʻi—2

Ko ha fakamatala fakatokāteline ia ʻoku kau kiate kinautolu te nau lava ʻo maʻu ʻa e lakanga fakataulaʻeiki ʻo e ʻOtuá, pea ʻoku pulusi ia he taimí ni ʻi he ngaahi peesi fakaʻosi ʻo e Tokāteline mo e Ngaahi Fuakavá. ʻI he konga ʻuluaki ʻo Sune 1978, naʻe fakahā mai ʻe he ʻEikí kia Palesiteni Sipenisā W. Kimipolo ʻoku totonu ke foaki ʻa e lakanga fakataulaʻeikí ki he kāingalotu tangata kotoa pē ʻo e Siasí ʻa ia ʻoku feʻunga mo tāú. Naʻe fakaʻatā ai hono maʻu ʻo e lakanga fakataulaʻeikí ki he kakai tangata kotoa pē ʻoku feʻunga mo tāú, pea fakaʻatā mo e ngaahi tāpuaki ʻo e temipalé ki he kāingalotu kotoa pē ʻoku feʻunga mo tāú, neongo pe ko ʻenau haʻu mei he faʻahinga fē pe ko e hā honau lanú. Naʻe fokotuʻu atu ʻi he ʻaho 30 ʻo Sepitema 1978 ʻa e fanongonongo fakamafaiʻi ko ʻení ki he konifelenisi lahi ʻo e Siasí pea naʻe tali ia ʻi he loto taha kotoa ki ai.