Vete Malí

Ko hono fakangata ia ʻo ha nofo mali ʻi he mālohi ʻo e lao fakasivilé pe fakasilesitialé. Fakatatau ki he Fuakava Foʻoú, naʻe fakangofua ʻe he ʻOtuá ʻa e vete malí ʻi ha ngaahi meʻa ʻe niʻihi koeʻuhi ko e fefeka ʻo e loto ʻo e kakaí; ka neongo iá, naʻe folofola ʻa Sīsū “ka naʻe ʻikai pehē ia mei he kamataʻangá” (Mātiu 19:3–12). ʻOku naʻinaʻi mai ʻa e folofolá ke tuku ʻa e vete mali, pea faleʻi ʻa e ngaahi husepānití mo e ngaahi uaifí ke nau feʻofaʻaki ʻi he māʻoniʻoni (1 Kol. 7:10–12; T&F 42:22).