Lūpeni
Ko e foha lahi taha ia ʻo Sēkope mo Lia ʻi he Fuakava Motuʻá (Sēnesi 29:32; 37:21–22, 29; 42:22, 37). Neongo ko e ʻuluaki fānaú ʻa Lūpeni, ka naʻe mole meiate ia ʻa e tāpuaki ʻo e ʻuluaki fānaú tuʻunga ʻi he fai angahala (Sēnesi 35:22; 49:3–4).
Ko e faʻahinga ʻo Lūpení
ʻOku maʻu ʻi he Sēnesi 49:3 mo e Teutalōnome 33:6 ʻa e tāpuaki naʻe tuku ʻe Sēkope kia Lūpení. Naʻe kamata ke fakaʻauʻauhifo ʻa e tokolahi ʻo e faʻahingá ni, pea neongo naʻe kei moʻui pē ʻa e faʻahingá, ka naʻe fakaʻau pē ke ʻikai fuʻu mahuʻinga fakapolitikale ia. Naʻe maʻu ʻe Siosefa mo hono ongo fohá ʻa e tāpuaki ʻo e ʻuluaki fānau naʻe totonu ke maʻu ʻe Lūpení, he ko Siosefa ʻa e ʻuluaki foha ʻo Sēkope mo hono uaifi hono ua ko Lēsielí (1 Fkmtl. 5:1–2).