Peleti Palasá, Ngaahi

Ko ha lekooti ʻo e kau Siú talu mei he kamataʻangá ʻo aʻu mai ki he 600 K.M., pea ʻoku ʻi ai ha ngaahi tohi lahi ʻa e kau palōfitá (1 Nīfai 5:10–16). Naʻe tauhi ʻa e lekooti ko ʻení ʻe Lēpani, ko e toko taha ʻo e kaumātuʻa ʻo e kau Siú ʻi Selūsalema. Lolotonga ʻa e ʻi he feituʻu maomaonganoá ʻa Līhai mo hono fāmilí, naʻá ne fekau hono ngaahi fohá ke nau foki ki Selūsalema ʻo ʻomi ʻa e lekooti ko ʻení (1 Nīfai 3–4). (Vakai ki he “Ko ha Fakamatala Nounou ʻo kau ki he Tohi ʻa Molomoná” ʻa ia ʻoku ʻi he Tohi ʻa Molomoná ke maʻu atu ha ngaahi fakamatala kehe mei ai.)