Tomuʻa Fakanofó Vakai foki ki he Moʻui ʻi he Maama Fakalaumālié Ko e fakanofo ʻe he ʻOtuá ʻi he maama fakalaumālié ʻa ʻene fānau fakalaumālie naʻe toʻá ke nau fakahoko ʻa ʻenau ngaahi misiona lolotonga ʻenau moʻui fakamatelié. Naʻe ʻai ʻe he ʻOtuá ʻa e fakangatangata ki he kakaí, Teut. 32:8. Naʻá ku ʻilo koe ʻi he heʻeki ai te u fakatupu koe ʻi he fatú, Selem. 1:5. Naʻe tomuʻa tuku pau ʻe he ʻOtuá ʻa e ngaahi kuongá mo e ngataʻangá, Ngāue 17:26. He ko kinautolu naʻá ne tomuʻa ʻiló naʻá ne tuʻutuʻuni foki, Loma 8:28–30. Naʻá ne fili ʻa kitautolu ʻiate ia ʻi he teʻeki ai fakatupu ʻa māmaní, ʻEfesō 1:3–4. Naʻe muʻaki tuʻutuʻuni ʻa Sīsū Kalaisi ke hoko ko e Huhuʻí, 1 Pita 1:19–20 (Fakahā 13:8). Naʻe ui mo teuteuʻi ʻa kinautolu talu mei hono ʻai ʻa e tuʻunga ʻo e māmaní, ʻAlamā 13:1–9. Naʻá ku vakai ki he kakai ʻeiki mo tuʻu-ki-muʻa ʻa ia naʻe fili ʻi he kamataʻangá, T&F 138:55–56. Naʻe fili hoku ʻAlo ʻOfaʻangá talu mei he kamataʻangá, Mōsese 4:2. Naʻe fili ʻa ʻĒpalahame ʻi he teʻeki ai ke fanauʻi iá, ʻĒpa. 3:23.