ʻĪnosi, Foha ʻo Sēkopé
Ko ha palōfita Nīfai mo e tokotaha tauhi lekooti ʻi he Tohi ʻa Molomoná ʻa ia naʻe lotu peá ne maʻu ha fakamolemole ki heʻene ngaahi angahalá tuʻunga ʻi heʻene tui kia Kalaisi (ʻĪnosi 1:1–8). Naʻe fuakava ʻa e ʻEiki mo ʻĪnosi ke ʻomai ʻa e Tohi ʻa Molomoná ki he kau Leimaná (ʻĪnosi 1:15–17).
Ko e tohi ʻa ʻĪnosí
Ko ha tohi ʻi he Tohi ʻa Molomoná ʻa ia ʻoku fakamatala ki he lotu ʻa ʻĪnosi ki he ʻEikí ke fakamolemoleʻi ia, mo hono kakaí, pea mo ha niʻihi kehe foki. Naʻe talaʻofa ai ʻe he ʻEikí kiate ia ʻe tauhi fakatolonga ʻa e Tohi ʻa Molomoná pea ʻomi ia ki he kau Leimaná ʻi ha ʻaho ʻi he kahaʻú. Neongo ʻoku vahe pē ʻe taha ʻa e tohí ni, ka ʻoku tohi ai ha talanoa mahuʻinga ki ha tangata naʻá ne fekumi ki he ʻOtuá ʻi he lotu, pea naʻá ne moʻui talangofua ki he ngaahi fekau ʻa e ʻOtuá, pea naʻá ne fiefia ʻi heʻene ʻilo ki he Huhuʻí ki muʻá peá ne toki maté.