Ko e ʻamanaki falala ia mo ha fakaʻamu ki ha ngaahi tāpuaki kuo talaʻofa mai ki he māʻoniʻoní. ʻOku faʻa lau ʻa e folofolá ʻo kau ki he ʻamanaki leleí ko ha fakatuʻamelie ia ki he moʻui taʻengatá tuʻunga ʻi he tui kia Sīsū Kalaisí.
ʻOku monūʻia ʻa e tangata ko hono ʻamanaki lelei ʻangá ʻa Sihová, Selem. 17:7 .
ʻE hoko ʻa Sihova ko e ʻamanaki leleiʻanga ia ʻo hono kakaí, Sioeli 3:16 .
ʻOku tau maʻu ʻa e ʻamanaki lelei ʻi he faʻa kātaki mo e ngaahi tohí, Loma 15:4 .
Kuo fakatupu ʻa kitautolu ʻe he ʻOtuá ki he ʻamanaki lelei ʻi he toetuʻu ʻa Sīsū Kalaisí, 1 Pita 1:3 .
Ko ia kotoa pē ʻokú ne maʻu ʻa e ʻamanaki leleí ni ʻokú ne fakamaʻa ia, 1 Sione 3:2–3 .
Kuo pau ke mou vivili atu ki muʻa, pea maʻu ʻa e ʻamanaki ʻoku mālohi haohaoa, 2 Nīfai 31:20 .
Pea manatuʻi ke mou maʻu ʻa e tuí mo e ʻamanaki leleí mo e manavaʻofá, ʻAlamā 7:24 (1 Kol. 13:13 ; Molonai 10:20 ).
ʻOku ou fakaʻamu ke mou fie tokanga ki heʻeku ngaahi leá, ʻo maʻu ha ʻamanaki lelei te mou maʻu ʻa e moʻui taʻengatá, ʻAlamā 13:27–29 .
Kapau ʻoku mou maʻu ʻa e tuí ʻoku mou ʻamanaki lelei ki he ngaahi meʻa ʻoku ʻikai ke mamata ki ai, ʻa ia ʻoku moʻoni, ʻAlamā 32:21 (Hepelū 11:1 ).
ʻOku tupu ʻa e ʻamanaki leleí mei he tuí pea hoko ko ha taula ki he laumālié, ʻEta 12:4 (Hepelū 6:17–19 ).
Kuo pau ke maʻu ʻe he tangatá ha ʻamanaki lelei pe ʻe ʻikai te ne maʻu ha tofiʻa, ʻEta 12:32 .
Lea ʻa Molomona ʻo kau ki he tuí, ʻamanaki leleí, mo e manavaʻofá, Molonai 7:1 .
Ke mou maʻu ʻa e ʻamanaki leleí ʻi he fakalelei ʻa Kalaisí ke fokotuʻu hake ki he moʻui taʻengatá, Molonai 7:40–43 .
ʻOku hanga ʻe he Laumālie Māʻoniʻoní ʻo fakafonu ʻa kimoutolu ʻaki ʻa e ʻamanaki leleí, Molonai 8:26 (Loma 15:13 ).