Ko e loto-maʻá (T&F 97:21). ʻOku toe ʻuhinga foki ʻa e Saioné ki ha feituʻu ʻa ia ʻoku nofo ai ʻa e kakai ʻoku loto-maʻá. Naʻe ui foki ko Saione ʻa e kolo ko ia naʻe langa ʻe ʻĪnoke mo hono kakaí pea naʻe ʻohake ki he langí koeʻuhi ko ʻenau māʻoniʻoní (T&F 38:4; Mōsese 7:18–21, 69). ʻE langa hake ʻi he ngaahi ʻaho ki mui ní ha kolo ʻe ui ko Saione ʻi he Vahefonua Siakisoní, ʻi Mīsuli (ʻIunaiteti Siteiti ʻo ʻAmeliká) ʻa ia ʻe fakataha mai ki ai ʻa e ngaahi faʻahinga ʻo ʻIsilelí (T&F 103:11–22; 133:18). ʻOku faleʻi ʻa e Kāingalotú ke nau langa hake ʻa Saione ʻi ha feituʻu pē ʻoku nau nofo ai ʻi he māmaní.