Hōsea
Ko ha palōfita ʻi he Fuakava Motuʻá ʻa ia naʻá ne kikite ʻi he puleʻanga fakatokelau ʻo ʻIsilelí lolotonga ʻa e konga ki mui ʻo e pule ʻa Selopoame Ⅱ. Naʻá ne moʻui ʻi he taimi ʻo e fakaʻauʻauhifo ʻa e puleʻangá mo ʻene iku ʻo ʻauha, tupu mei he angahala ʻa ʻIsilelí.
Ko e tohi ʻa Hōseá
Ko e tefitoʻi kaveinga ʻo e tohí ko e ʻofa ʻa e ʻOtuá ki hono kakaí. Naʻe fakahoko ʻa ʻene ngaahi tauteʻi kotoa pē ʻi he ʻofa, pea ʻe tupu ʻi heʻene ʻofá ʻa hono toe fakafoki ʻo ʻIsilelí (Hōsea 2:19; 14:4). Ka naʻe fakamahinoʻi ʻe Hōsea ia ʻa e moʻui lavaki ʻa ʻIsilelí mo ʻenau taʻetui ʻOtuá. Ka naʻe kei ʻafio pē ʻa e ʻOtuá ia ki hono huhuʻi fakaʻosi ʻo ʻIsilelí (Hōsea 11:12–14:9).