Halá Vakai foki ki he Sīsū Kalaisi; ʻAʻevá, ʻAʻeva mo e ʻOtuá Ko e fonongaʻanga pe ko e ʻalunga ʻoku ʻalu ai ha taha. Naʻe folofola ʻa Sīsū ko ia ʻa e halá (Sione 14:4–6). Tauhi ʻa e ngaahi fekau ʻa e ʻEikí, ke ʻalu ʻi hono ngaahi halá, Teut. 8:6. Akonakiʻi ʻa e tamasiʻí ʻi he hala ʻoku totonu ke ne ʻalu aí, LFkt. 22:6 (2 Nīfai 4:5). Kuo folofola ʻa e ʻEikí ʻoku māʻolunga hono ngaahi halá ʻi hotau ngaahi halá, ʻĪsaia 55:8–9. ʻOku fāsiʻi ʻa e matapaá, mo lausiʻi ʻa e hala, Mātiu 7:13–14 (3 Nīfai 14:13–14; 27:33; T&F 132:22, 25). ʻE tofa foki ʻe he ʻEikí ʻa e hala ke mou hao ai mei he ʻahiʻahí, 1 Kol. 10:13. ʻOku ʻikai tuku mai ʻe he ʻEikí ha fekau ki he fānau ʻa e tangatá taʻe te ne teuteu ha hala ke nau lava ʻo fakahoko ai ʻa e fekau ko iá, 1 Nīfai 3:7 (1 Nīfai 9:6; 17:3, 13). ʻOku ʻikai ke ʻi ai ha hala kehe kā ʻi he matapaá pē, 2 Nīfai 9:41. ʻOku mou tauʻatāina ke ngāue maʻamoutolu pē, ke fili ʻa e hala ʻo e mate taʻengatá pe ko e hala ʻo e moʻui taʻengatá, 2 Nīfai 10:23. Ko e halá ʻeni; pea ʻoku ʻikai ha hala pe ha hingoa kehe, 2 Nīfai 31:21 (Mōsaia 3:17; ʻAlamā 38:9; Hilam. 5:9). ʻI he foaki mai ʻo hono ʻAló kuo hanga ai ʻe he ʻOtuá ʻo teuteu ʻa e founga lelei ange, ʻEta 12:11 (1 Kol. 12:31). ʻOku ʻaʻeva ʻa e tangata taki taha ʻi hono hala pē ʻoʻona, T&F 1:16. Kuo pau ke fai ia ʻi heʻeku founga pē ʻaʻakú, T&F 104:16.