Fakamahuʻingaʻí Vakai foki ki he Fakaʻapaʻapaʻí; Loto-ʻapasiá Ke lau ha taha pe ko ha meʻa ʻoku mahuʻinga, kae tautautefito ki hano tuʻunga ʻi he ongoongoleleí. Kuo manuki ia, pea naʻe ʻikai ke tau tokanga kiate ia, ʻĪsaia 53:3–4. He ko ia ʻoku lelei lahi ki he tangatá, ʻoku fakalielia ia ki he ʻOtuá, Luke 16:15. Ke fetoutou femahaloleleiʻaki hake taki taha ki hono kāingá ʻiate ia, Filipai 2:3. ʻOku ʻofa tatau ʻa e ʻEikí ki he kakai fulipē, 1 Nīfai 17:35. Ke tokanga ʻa e tangata kotoa pē ki hono kaungāʻapí ʻo hangē pē ko ia, Mōsaia 27:4 (T&F 38:24–25). ʻI he ʻaho ʻo ʻenau nofo melinó, naʻa nau meʻa vaʻinga ʻaki ʻeku akonakí, T&F 101:8.