Kēnani, Tangata Kēnani

Ko e foha fika fā ia ʻo Hamí ʻi he taimi ʻo e Fuakava Motuʻá (Sēnesi 9:22; 10:1, 6) mo e mokopuna ʻo Noá. ʻOku ʻuhinga ʻa e kau Kēnaní ki ha taha ʻoku haʻu mei he fonua ko ia ko Kēnaní, kae ʻumaʻā foki honau hakó. Naʻe toe ui foki ʻa e kakai ko ia naʻa nau nofoʻi ʻa e ngaahi feituʻu tokalelei ko ia ʻi he ngaahi tafa fonua ʻo Palesitaine ki he Metiteleniané ko e kau Kēnani. Naʻe faʻa fakaʻaongaʻi ʻa e hingoa ko ʻení ʻi he taimi ʻe niʻihi ke fakaʻilongaʻi ʻaki ʻa e kakai kotoa pē naʻa nau nofoʻi ʻa e fonuá ʻi he feituʻu hihifo ʻo Soataní ka ʻoku ʻikai ko e kau ʻIsilelí, pea naʻe ui ia ʻe he kau Kilikí ko e kau Finisiá.