Fuakava Faka-ʻĒpalahamé

Naʻe maʻu ʻe ʻĒpalahame ʻa e ongoongoleleí pea fakanofo ia ki he lakanga fakataulaʻeiki māʻolungá (T&F 84:14; ʻĒpa. 2:11), pea naʻá ne kau ki he mali fakasilesitialé, ʻa ia ko e fuakava ʻo e hakeakiʻí (T&F 131:1–4; 132:19, 29). Naʻe maʻu ʻe ʻĒpalahame ha talaʻofa ʻe foaki ki hono hako fakamatelié ʻa e ngaahi tāpuaki kotoa pē ʻo e ngaahi fuakava ko ʻení (T&F 132:29–31; ʻĒpa. 2:6–11). ʻOku fakatahaʻi ʻa e ngaahi fuakava mo e ngaahi talaʻofa ko ʻení ʻo ui ia ko e fuakava faka-ʻĒpalahamé. Ko hono fakafoki mai ʻo e fuakava ko ʻení ʻa e fakafoki mai ʻo e ongoongoleleí ʻi he ngaahi ʻaho fakaʻosí, he ʻe tāpuekina ai ʻa e ngaahi puleʻanga kotoa ʻo e māmaní (Kalētia 3:8–9, 29; T&F 110:12; 124:58; ʻĒpa. 2:10–11).