Kātakí Vakai foki ki he Faingataʻá; Faʻa Kātakí; ʻAhiʻahí, ʻAhiʻahiʻí Ke tuʻu maʻu ʻi he tukupā ke tauhi totonu ki he ngaahi fekau ʻa e ʻOtuá neongo ʻa e ʻahiʻahí, fakafepakí, mo e faingataʻá. Ko ia ia ʻe kātaki ki he ngataʻangá ʻe moʻui ia, Mātiu 10:22 (Maʻake 13:13). ʻOku ʻikai ha aka ʻiate kinautolu ko ia ʻoku nau maʻu ai ia ʻo fuonounou, Maʻake 4:17. ʻOku kātaki ʻe he ʻofá ʻa e meʻa kotoa pē, 1 Kol. 13:7. Hili ʻa e kātaki fuoloa ʻa ʻĒpalahamé naʻá ne maʻu ʻa e talaʻofá, Hepelū 6:15. Kapau te nau kātaki ki he ngataʻangá ʻe hiki hake ʻa kinautolu ʻi he ʻaho fakaʻosí, 1 Nīfai 13:37. Kapau te mou talangofua ki he ngaahi fekaú, pea kātaki ki he ngataʻangá, ʻe fakamoʻui ʻa kimoutolu, 1 Nīfai 22:31 (ʻAlamā 5:13). Kapau te mou vilitaki atu, pea keinanga ʻi he folofola ʻa Kalaisí, pea kātaki ki he ngataʻangá, te mou maʻu ʻa e moʻui taʻengatá, 2 Nīfai 31:20 (3 Nīfai 15:9; T&F 14:7). Ko ia ia ʻokú ne toʻo kiate ia ʻa hoku hingoá, pea kātaki ki he ngataʻangá, ʻe fakamoʻui ia, 3 Nīfai 27:6. ʻIlonga ia ʻoku kau ʻi hoku siasí, ʻo ne tuʻu maʻu ʻi hoku siasí ʻo aʻu ki he ngataʻangá, te u fokotuʻu ia ʻi heʻeku maká, T&F 10:69. Ko ia ia te ne faʻa kātaki ʻi he tuí te ne ikuna ʻa e māmaní, T&F 63:20, 47. ʻE fakahā ʻa e ngaahi taloni mo e ngaahi tofiʻa fakapilinisi kotoa pē, pea fokotuʻu atu ia kiate kinautolu kotoa pē kuo nau kātaki ʻi he loto-toʻa koeʻuhi ko e ongoongolelei ʻa Sīsū Kalaisí, T&F 121:29.