Malakai

Ko e tohi pe ko e kikite ʻa Malakaí ko e tohi fakaʻosi ia ʻo e Fuakava Motuʻá. ʻOku hangē ʻoku muimui ia ki ha tefito mahuʻinga ʻe fā: (1) ko e ngaahi angahala ʻa ʻIsilelí—Malakai 1:6–2:17; 3:8–9; (2) ko e ngaahi tautea ʻe hoko mai ki ʻIsileli koeʻuhi ko ʻenau talangataʻá—Malakai 1:14; 2:2–3, 12; 3:5; (3) ko e ngaahi talaʻofa ki he talangofuá—Malakai 3:10–12, 16–18; 4:2–3; mo e (4) ko e ngaahi kikite fekauʻaki mo ʻIsileli—Malakai 3:1–5; 4:1, 5–6 (T&F 2; 128:17; SS—H 1:37–39).

Naʻe tohi ʻe Malakai ʻi he kikite ko ʻení ʻo kau kia Sione ko e Papitaisó (Malakai 3:1; Mātiu 11:10), ko e fono ʻo e vahehongofulú (Malakai 3:7–12), ko e hāʻele ʻanga ua mai ʻa e ʻEikí (Malakai 4:5), mo e foki mai ʻa ʻIlaisiaá (Malakai 4:5–6; T&F 2; 128:17; SS—H 1:37–39). Naʻe folofola ʻaki ʻe he Fakamoʻuí ʻa hono kotoa ʻo e Malakai vahe 3 mo e 4 ki he kau Nīfaí (3 Nīfai 24–25).