Fālesí, Kau

Ko ha kulupu fakalotu ia ʻi he kau Siu ʻi he Fuakava Foʻoú ʻa ia ʻoku fokotuʻu mai ʻe honau hingoá ʻoku makehe pe mavahe pē ʻa kinautolu ia. Naʻe pōlepole ʻa e kau Fālesí ʻi heʻenau tauhi pau ki he fono ʻa Mōsesé pea nau fakaʻehiʻehi mei ha faʻahinga meʻa pē ʻoku kau ki he kau Senitailé. Naʻa nau tui ki he moʻui hili ʻa e maté, ko e toetuʻú, mo e moʻui ʻa e kau ʻāngeló mo e ngaahi laumālié. Naʻa nau tui ʻoku mahuʻinga tatau pē ʻa e ngaahi lao ʻoku tala ngutú mo e ngaahi talatukufakaholó mo e ngaahi lao kuo tohí. Naʻe hanga ʻe heʻenau ngaahi akonakí ʻo fakangatangata ʻa e lotú ki hono tauhi pē ʻo e ngaahi lao mo poupouʻi ʻa e loto-hīkisia fakalaumālié. Naʻa nau ngaohi ha kakai Siu tokolahi ke nau taʻetui kia Kalaisi mo ʻene ongoongoleleí. Naʻe fakahā ʻe he ʻEikí ʻa e ngaahi kovi ʻa e kau Fālesí mo ʻenau ngaahi ngāué ʻi he Mātiu 23; Maʻake 7:1–23; mo e Luke 11:37–44.