Ko hano siviʻi ia ʻo e lava ʻe ha taha ke fili ki he leleí kae liʻaki ʻa e koví; mo e fakatauele ke fai angahala mo muimui kia Sētane kae ʻikai ki he ʻOtuá.
ʻOua naʻa tuku ʻa kimautolu ki he ʻahiʻahi, Mātiu 6:13 (3 Nīfai 13:12 ).
ʻE ʻikai tuku ʻe he ʻOtuá ke ʻahiʻahiʻi ʻa kimoutolu ʻo lahi hake ʻi he meʻa te mou lava ʻo kātakiʻí, 1 Kol. 10:13 .
Naʻe ʻahiʻahiʻi tatau pē ʻa Kalaisi mo kitautolu, Hepelū 4:14–15 .
ʻOku monūʻia ʻa e tangata ʻokú ne kātakiʻi ʻa e ʻahiʻahí, Sēmisi 1:12–14 .
ʻIlonga ʻa kinautolu ʻe tokanga ki he folofola ʻa e ʻOtuá, ʻe ʻikai ikunaʻi ʻa kinautolu ʻe he ngaahi ʻahiʻahi ʻa e filí, 1 Nīfai 15:24 (Hilam. 5:12 ).
ʻE ʻikai lava ke fili ʻa e tangatá ʻo kapau ʻe ʻikai fakataueleʻi ia ʻe he meʻa ʻe taha, pe ko e meʻa kehe, 2 Nīfai 2:11–16 .
Mou leʻo mo lotu maʻu ai pē, ke ʻoua naʻa ʻahiʻahiʻi ʻa kimoutolu ʻo lahi ange ʻi he meʻa ʻoku mou lava ʻo kātakiʻí, ʻAlamā 13:28 .
Akoʻi ʻa kinautolu ke nau lavaʻi ʻa e ʻahiʻahi kotoa pē ʻa e tēvoló, ʻaki ʻenau tui ki he ʻEiki ko Sīsū Kalaisí, ʻAlamā 37:33 .
Lotu maʻu pē telia naʻa mou tō ki he ʻahiʻahí, 3 Nīfai 18:15, 18 (T&F 20:33 ; 31:12 ; 61:39 ).
Vakai telia ʻa e fie lahí, telia naʻá ke tō ki he ʻahiʻahí, T&F 23:1 .
Naʻe moʻulaloa ʻa ʻĀtama ki he loto ʻo e tēvoló, koeʻuhí ko ʻene tukulolo ki he ʻahiʻahí, T&F 29:39–40 .