ʻAho Fakaʻosí, Ngaahi Vakai foki ki he Fakaʻilonga ʻo e Ngaahi Kuongá, Ngaahi; Hāʻele ʻAnga Ua Mai ʻa Sīsū Kalaisí Ko e taimi ia ʻoku tau lolotonga moʻui ai ko ʻení. Ko e ngaahi ʻaho (pe kuonga ʻo ha taimi) ki muʻa ʻi he hāʻele ʻanga ua mai ʻa e ʻEikí. Te u fakahā kiate kimoutolu ʻa ia ʻe hoko kiate kimoutolu ʻi he ngaahi ʻaho ʻamuí, Sēnesi 49:1. ʻE tuʻu ʻa e Huhuʻí ʻi māmani ʻi he ʻaho fakamuí, Siope 19:25. ʻE fokotuʻu maʻu ʻa e fale ʻo Sihová ʻi he ngaahi ʻaho ʻamuí, ʻĪsaia 2:2. ʻE hoko ʻi he ngaahi ʻaho fakamuí ʻa e kuonga fakatuʻutāmaki, 2 Tīm. 3:1–7. ʻE fakaʻikaiʻi ʻe he kau manuki ʻi he ngaahi ʻaho fakamuí ʻa e Hāʻele ʻAnga Uá, 2 Pita 3:3–7. ʻOku ou kikite kiate kimoutolu ʻo kau ki he ngaahi ʻaho fakaʻosí, 2 Nīfai 26:14–30. ʻE ui pehē ia, pea ki he kaumātuʻa kotoa pē mo e kakai ʻo hoku Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, T&F 115:4. ʻE hāʻele mai ʻa Kalaisi ʻi he ngaahi ʻaho fakaʻosí, Mōsese 7:60.