Ko ha kulupu ʻo e kakai ʻi he Tohi ʻa Molomoná, ʻa ia ko honau tokolahi ko e ngaahi hako ʻo e palōfita ko Nīfai, ko e foha ʻo Līhaí. Naʻa nau mavahe mei he kau Leimaná pea naʻa nau māʻoniʻoni ange kinautolu ʻi he kau Leimaná. Ka neongo iá, naʻe faifai pea naʻe iku ʻo fakaʻauha ʻa kinautolu ʻe he kau Leimaná koeʻuhi ko ʻenau fai angahalá.
Naʻe mavahe ʻa e kau Nīfaí mei he kau Leimaná, 2 Nīfai 5:5–17 .
Ko e kakai ʻa ia naʻe ʻikai ko e kau Leimaná ko e kau Nīfai ʻa kinautolu, Sēkope 1:13 .
Naʻe ueʻi hake ʻa e kau Nīfaí ia ʻe ha ʻuhinga lelei ange, ʻAlamā 43:6–9, 45 .
Naʻe teʻeki ke ʻi ai ha taimi fakafiefia ange ʻi he kakai ʻo Nīfaí ʻo hangē ko e ngaahi ʻaho ʻo Molonaí, ʻAlamā 50:23 .
Naʻe fakahaofi ʻa e kau Nīfaí koeʻuhi ko e ngaahi lotu ʻa e kau māʻoniʻoní, ʻAlamā 62:40 .
Naʻe kamata ke fakaʻauʻauhifo ʻa e kau Nīfaí ʻi he taʻetui, Hilam. 6:34–35 .
Naʻe akonaki mo ngāue ʻa Sīsū ʻi he kau Nīfaí, 3 Nīfai 11:1–28:12 .
Kuo fakaului ʻa e kakai kotoa pē ki he ʻEikí pea naʻa nau meʻa taha pē, 4 Nīfai 1:2–3 .
Naʻe ʻikai ha fakakikihi pea naʻe nofoʻia ʻa e ʻofa ʻa e ʻOtuá ʻi honau lotó, pea naʻa nau hoko ko e kakai fiefia taha pē, 4 Nīfai 1:15–16 .
Naʻe kamata ʻa e kau Nīfaí ke nau pōlepole ʻi honau lotó mo hīkisia, 4 Nīfai 1:43 .
Naʻe mafola ʻa e lilingi totó mo e fakaʻauhá ʻi hono kotoa ʻo e funga ʻo e fonuá, Molom. 2:8 .
Naʻe fakaʻau ke lahi ange ʻa e fai angahala ʻa e kau Nīfaí pea fakafisi ʻa Molomona ke taki ʻa kinautolu, Molom. 3:9–11 .
Naʻe mate ʻa e kau Nīfaí kotoa, tuku kehe pē ha toko uofulu mā fā, Molom. 6:7–15 .
Naʻe tāmateʻi ʻa e Nīfai kotoa pē ʻe ʻikai te ne fakaʻikaiʻi ʻa Kalaisí, Molonai 1:2 .
Naʻe fakaʻauha ʻa e kau Nīfaí koeʻuhí ko ʻenau ngaahi angahalá mo ʻenau ngaahi anga-fakalieliá, T&F 3:18 .
Vakai telia ʻa e loto-hīkisiá, telia naʻa mou hoko ʻo tatau mo e kau Nīfai, T&F 38:39 .