ʻOku ʻi ai ha tefitoʻi ʻuhinga ʻe ua ʻo e foʻi lea langí [pe hēvani] ʻi he folofolá. (1) Ko e feituʻu ia ʻoku ʻafio ai ʻa e ʻOtuá mo e ʻapi ʻo e Kau Māʻoniʻoní ʻi he kahaʻú (Sēnesi 28:12; Same 11:4; Mātiu 6:9). (2) Ko e fuʻu ʻatā lahi ia ʻokú ne takaiʻi ʻa e māmaní (Sēnesi 1:1, 17; ʻEke. 24:10). ʻOku mahino ʻaupito ʻoku ʻikai ko palataisi ʻa hēvani, ka ko e nofoʻanga fakataimi ia ʻo e ngaahi laumālie tui faivelenga ʻo kinautolu naʻa nau moʻui pea mate ʻi he māmani ko ʻení. Naʻe hāʻele ʻa Sīsū ki palataisi hili ʻene pekia ʻi he funga kolosí, ka naʻá ne folofola kia Mele ʻi he ʻaho hono tolú ʻoku teʻeki ai te ne hāʻele hake ki he Tamaí (Luke 23:39–44; Sione 20:17; T&F 138:11–37).