Vai Moʻuí Vakai foki ki he Sīsū Kalaisi Ko ha fakataipe ʻo e ʻEiki ko Sīsū Kalaisí mo ʻene ngaahi akonakí. Hangē ko e mahuʻinga ʻo e vaí ki he moʻui fakasinó, ʻoku pehē hono mahuʻinga ʻo e Fakamoʻuí mo ʻene ngaahi akonakí (vai moʻuí) ki he moʻui taʻengatá. Te mou ʻutu ʻa e vaí ʻi he fiefia mei he matavai moʻuí, ʻĪsaia 12:3. Kuo nau liʻaki au ko e matavai moʻuí, Selem. 2:13. Ko ia ʻe inu ʻi he vai te u ʻoatú ʻe ʻikai toe fieinua ia, Sione 4:6–15. Kapau ʻe fieinua ha taha, tuku ke ne haʻu kiate au, ʻo inu, Sione 7:37. Naʻe fakatau ʻa e vaʻa ukameá ki he matavai ʻo e ngaahi vai moʻuí, 1 Nīfai 11:25. Inu taʻetotongi ʻi he ngaahi vai ʻo e moʻuí, T&F 10:66. ʻE hoko ʻeku ngaahi fekaú ko e matavai ʻo e vai moʻui, T&F 63:23.