Loto-ʻapasiá Vakai foki ki he Fakaʻapaʻapaʻí; Manavaheé Ko e fakaʻapaʻapa moʻoni ia ki he ngaahi meʻa ʻoku toputapú; ko e ofo. Naʻe fekau ʻe he ʻEikí kia Mōsese ke toʻo hono topuvaʻé, he ʻokú ne tuʻu ʻi he kelekele tapu, ʻEke. 3:4–5. ʻOku totonu ke manavahē lahi ki he ʻOtuá pea fakaʻapaʻapa kiate ia, Same 89:7. Tauhi ki he ʻOtuá ʻi he fakaʻapaʻapa mo e manavahē, Hepelū 12:28. Naʻe punou hifo ʻa Molonai ki he kelekelé ʻo ne lotu fakamātoato, ʻAlamā 46:13. Naʻe tōmapeʻe ʻa e fuʻu kakaí ki he kelekelé ʻo hū kia Kalaisi, 3 Nīfai 11:12–19. Punou hifo ʻi hoku ʻaó, T&F 5:24. ʻOku punou hifo ʻi he taloni ʻo e ʻOtuá ʻa e ngaahi meʻa kotoa pē ʻi he loto-ʻapasia fakatōkilalo, T&F 76:93. Kuo fakapoʻuliʻi ʻa homou ʻatamaí koeʻuhi ko hoʻomou fakavaʻivaʻinga ʻaki ʻa e ngaahi meʻa kuo mou maʻú, T&F 84:54–57. ʻE peluki ʻa e tui kotoa pē, pea ʻe vete ʻe he ʻelelo kotoa pē, T&F 88:104. Ko e meʻa pē ke fakaʻapaʻapa pe ʻapasia ai ki he huafa ʻo e ʻOtua Fakalevelevá, naʻe ui ʻe he siasí ʻa e lakanga fakataulaʻeiki ko iá ʻo tauhingoa kia Melekisēteki, T&F 107:4. ʻE lilingi hifo ʻa e ngaahi tāpuaki kiate kinautolu ʻoku fakaʻapaʻapa ki he ʻEikí ʻi hono falé, T&F 109:21.