Hangē ko hono ngāue ʻaki ʻi he folofolá, ko e fāmilí ʻoku kau ki ai ha husepāniti mo e uaifi, fānau, pea ʻi he taimi ʻe niʻihi ʻoku kau ai ʻa e kāinga kehe ʻoku nau nofo ʻi he ʻapi tatau ʻo fakaongoongo ki he taki ʻe taha ʻo e fāmilí. ʻOku toe lava foki ke hoko ko ha fāmili ha mātuʻa pē ʻe toko taha mo ha fānau, pe ko ha husepāniti mo e uaifi taʻe ʻi ai ha fānau, pe ko ha tokotaha pē ʻa ia ʻoku nofo toko taha.
Fakalūkufuá
Ko e fatongia ʻo e mātuʻá
Ko e fatongia ʻo e fānaú
Ko e fāmili taʻengatá
ʻOku fakamatalaʻi mai ʻe he Tokāteline mo e Ngaahi Fuakavá ʻa e tuʻunga taʻengata ʻo e fetuʻutaki ʻo e malí pea mo e fāmilí. ʻOku hanga ʻe he mali fakasilesitialé mo hano hokohoko atu ʻo e ʻiuniti fakafāmilí ʻo ngaohi ʻa e ngaahi husepānití mo e ngaahi uaifí ke nau hoko ko e ngaahi ʻotua (T&F 132:15–20).