Loí Vakai foki ki he Faitotonú; Kākaá; Lea Koví Ko ha faʻahinga fetuʻutaki ʻi ha meʻa hala pe meʻa ʻoku ʻikai moʻoni ko hono taumuʻá ke kākaaʻi ha taha. ʻOua naʻa mou kaihaʻa pe fai fakakākā, pe feloiʻaki ʻa e taha ki he taha, Lev. 19:11. ʻOku ou fehiʻa mo fakaliliʻa ki he loí, Same 119:163. Ko e meʻa fakalielia kia Sihova ʻa e loungutu faʻa loí, LFkt. 12:22. Ko hoku kakai ʻa kinautolu ʻe ʻikai te nau loi, ʻĪsaia 63:8. Ko e tēvoló ko e loi ia, pea ko e tamai ia ʻa e loí, Sione 8:44 (2 Nīfai 2:18; ʻEta 8:25; Mōsese 4:4). ʻOku ʻikai ko hoʻo loi ki he tangata, kā ki he ʻOtua, Ngāue 5:4 (ʻAlamā 12:3). Kapau ʻe pehē ʻe ha taha, ʻoku ʻofa ki he ʻOtuá kae fehiʻa ki hono tokouá, ko e loí ia, 1 Sione 4:20. Ko e kau loi kotoa pē ʻoku ʻi he mate ʻanga uá honau tofiʻá, Fakahā 21:8 (T&F 63:17). ʻE malaʻia ia ʻoku loí, he ʻe kapusi hifo ia ki heli, 2 Nīfai 9:34. ʻE ʻi ai ʻa e tokolahi ʻe akoʻi ʻa e tokāteline hala, ʻo pehē, fai ha kiʻi loi, he ʻoku ʻikai ha kovi ʻi he meʻá ni, 2 Nīfai 28:8–9 (T&F 10:25). ʻOku mou mahalo koā te mou lava ʻo loi ki he ʻEikí, ʻAlamā 5:17. Ko e ʻOtua koe ʻo e moʻoní, pea ʻoku ʻikai te ke loi, ʻEta 3:12 (Nōmipa 23:19; 1 Sam. 15:29; Taitusi 1:2; Hepelū 6:18; ʻĪnosi 1:6). Ko ia ia ʻe loi pea ʻikai te ne fakatomalá ʻe kapusi ia ki tuʻa, T&F 42:21. ʻOku maʻu ʻe he kau loí ʻa e nāunau fakatilesitialé, T&F 76:81, 103–106. ʻOku mau tui ʻoku totonu ke faitotonu, TT 1:13.