Hakeai
Ko ha palōfita ʻi he Fuakava Motuʻá ʻa ia naʻá ne kikite ʻi he taʻu 520 K.M. nai ʻi Selūsalema, ʻi he hili ʻa e foki mai ʻa e kakai Siú mei heʻenau nofo pōpula ʻi Pāpiloné (ʻĒsela 5:1; 6:14). Naʻá ne lea ʻo kau ki hono toe langa hake ʻo e temipale ʻo e ʻEikí ʻi Selūsalemá, peá ne valokiʻi ʻa e kakaí koeʻuhi ko e ʻikai ke ʻosi hono langá. Naʻá ne toe tohi foki ʻo kau ki he temipale ʻi he nofo tuʻí mo e pule ʻa e Fakamoʻuí.
Ko e tohi ʻa Hakeaí
Naʻe hanga ʻe he ʻEikí ʻo valokiʻi ʻa e kakaí ʻi he vahe 1 koeʻuhi ko ʻenau nofo ʻi honau ngaahi fale kuo ʻosi kakato hono langá, lolotonga ia ʻoku teʻeki ai pē langa hake ʻa e temipalé. ʻOku tohi ʻi he vahe 2 ʻa e kikite ʻa Hakeai ʻe foaki mai ʻe he ʻEikí ʻa e melinó ʻi hono temipalé.