Ko e moʻui ia ki muʻa ʻi he moʻui ʻi he māmaní. Naʻe moʻui fakataha ʻa e tangata mo e fefine kotoa pē mo e ʻOtuá ko ʻene fānau fakalaumālie ki muʻa pea nau toki haʻu ki he māmaní ʻo hoko ko e kakai fakamatelié. ʻOku faʻa ui ia he taimi ʻe niʻihi ko e ʻuluaki tuʻungá (ʻĒpa. 3:26 ).
ʻI he ʻai ʻe he ʻOtuá ʻa e tuʻunga ʻo māmaní naʻe hiva fiefia ʻa e ngaahi foha kotoa pē ʻo e ʻOtuá, Siope 38:4–7 .
Pea ʻe foki ʻa e laumālié ki he ʻOtuá ʻa ia naʻá ne foakí, Tngt. 12:7 .
Naʻá ku ʻilo koe ʻi he heʻeki ai fakatupu koe ʻi he fatú, Selem. 1:4–5 .
Ko hono hako ʻa kitautolu kotoa pē, Ngāue 17:28 .
Naʻe fili ʻe he ʻOtuá ʻa kitautolu ʻi he teʻeki ai fakatupu ʻa māmaní, ʻEfesō 1:3–4 .
Tau fakavaivai ki he Tamai ʻo e ngaahi laumālié, Hepelū 12:9 .
Ko e kau ʻāngelo naʻe ʻikai ke tuʻu maʻu ʻi honau muʻaki tuʻungá, kuó ne tuku ke nau moʻua ki he ngaahi haʻi taʻengata, Sute 1:6 (ʻĒpa. 3:26 ).
Naʻe lī ki tuʻa ʻa e Tēvoló mo ʻe ne kau ʻāngeló, Fakahā 12:9 .
Naʻe ʻafio hifo ʻa Kalaisi ki he fuʻu ʻatā ʻo e taʻengatá pea mo e fuʻu tokolahi ʻo e langí ʻi he teʻeki ai ke ngaohi ʻa e māmaní, T&F 38:1 .
Naʻe ʻi he kamataʻangá foki ʻa e tangatá mo e ʻOtuá, T&F 93:29 (Hilam. 14:17 ; T&F 49:17 ).
Naʻe ʻi ai ʻa e kakai ʻeiki naʻe fili ʻi he kamataʻangá ke nau hoko ko e kau pule ʻi he Siasí, T&F 138:53–55 .
Naʻe ʻi ai ʻa e tokolahi naʻa nau ako ʻa ʻenau ngaahi ʻuluaki lēsoní ʻi he maama ʻo e ngaahi laumālié, T&F 138:56 .
Naʻe fakatupu fakalaumālie ʻa e ngaahi meʻa kotoa pē ʻi he teʻeki ai ke tuʻu ia ʻi he funga ʻo e māmaní, Mōsese 3:5 .
Naʻá ku fakatupu ʻa e māmaní, mo e tangatá ʻi he teʻeki ai ke nau ʻi he kakanó, Mōsese 6:51 .
Naʻe mamata ʻa ʻĒpalahame ki he fānau fakalaumālie naʻe fakatupu ʻi he teʻeki ke ʻi ai ʻa e māmaní, ʻĒpa. 3:21–24 .