Sute

ʻOku ʻi he tohi ko ʻení ha tohi meia Sute ki ha niʻihi ʻo e Kāingalotú ʻa ia naʻe fakaʻau ke vaivai ʻenau tuí. Naʻe fakavaivaiʻi ʻa kinautolu ʻe he niʻihi ʻiate kinautolu ʻa ia naʻa nau lau ko e kau Kalisitiane ʻa kinautolu ka naʻa nau kau ki he ngaahi tōʻonga lotu fakahīteni pea naʻa nau pehē ʻoku ʻikai te nau haʻisia ke talangofua ki he ngaahi lao fakaeangamaʻá. Naʻe fakaʻamu ʻa Sute ke ne fafangu hake ʻa e Kāingalotú ke nau ʻiloʻi ʻa e tuʻutāmaki fakalaumālie ʻoku nau ʻi aí pea ke poupouʻi hake ʻa kinautolu ke nau tauhi maʻu ʻa e tuí.

Ko e ngaahi veesi mahuʻinga ʻeni ʻi he tohi Suté, ko e veesi 6, ʻa ia ʻoku fakamatala ai ki he tau naʻe fai ʻi he langí pea mo hono kapusi ki tuʻa ʻo Lusifā mo ʻene kau ʻāngeló mei he maama fakalaumālié (ʻĒpa. 3:26–28), mo e veesi 14–15, ʻa ia ʻoku lave ai ki ha kikite naʻe fai ʻe ʻĪnoke.