Sēmisi, Tokoua ʻo e ʻEikí

Ko ha tohi ʻi he Fuakava Foʻoú. Naʻe ʻuluaki hoko ia ko ha tohi pē naʻe fakataumuʻa ki he faʻahinga ʻe hongofulu mā ua ʻo ʻIsileli ʻa ia naʻe fakamoveteveteʻi ʻi he māmaní pea mahalo naʻe fai mai ʻa e tohi ko iá mei Selūsalema. ʻOku kau ʻi he tohí ha ngaahi fakamatala mahino ʻo kau ki he lotu mo ngāué, pea kau ai ʻa e naʻinaʻi mahuʻinga ko ia ʻi he vahe 1 ʻoku pehē kapau ʻoku masiva ha taha ʻi he potó, ʻoku totonu ke ne kole ki he ʻOtuá ha tokoni (Sēmisi 1:5–6; SS—H 1:9–20). ʻOku fakamatala ʻa e vahe 2 ki he tuí mo e ngaahi ngāué. ʻOku lau ʻa e vahe 3–4 ki he fie maʻu ko ia ke mapuleʻi ʻa e ʻeleló mo e naʻinaʻi ki he Kāingalotú ke ʻoua te nau felauʻikoviʻaki. ʻOku poupouʻi mai ʻa e Kāingalotú ʻi he vahe 5 ke nau faʻa kātaki pea ui ki he kaumātuʻá ke maʻu mei ai ha tāpuaki ʻi he taimi ʻoku nau mahaki aí; pea ʻoku toe akoʻi mai foki ai ʻa e ngaahi tāpuaki ʻo e tokoni ki hono fakaului ʻo e kakai kehé.