Poupouʻi ʻo e Kau Taki ʻo e Siasí Vakai foki ki he Felototahaʻakí Ke fakahā ʻa e poupou kiate kinautolu ʻoku nau ngāue ʻi he ngaahi lakanga fakatakimuʻa fakalūkufua mo fakakātoa ʻi ha ngaahi feituʻu ʻo e Siasí. Tuku ʻa Siosiua ʻi he ʻao ʻo e kakai kotoa pē, pea tuku ʻa e fekau kiate ia ʻi honau ʻaó, Nōmipa 27:18–19. Pea kalanga ʻa e kakai kotoa pē ʻo pehē, ke fakamoʻui ʻe he ʻOtuá ʻa e tuʻí, 1 Sam. 10:24. Tui ki heʻene kau palōfitá, ko ia te mou monūʻia aí, 2 Fkmtl. 20:20. Talangofua kiate kinautolu ʻoku [pule] kiate kimoutolú, Hepelū 13:17. ʻE tokoniʻi koe ʻe he ʻEikí, koeʻuhi kuo ʻikai te ke lāunga, 1 Nīfai 3:6. Ko kinautolu ia naʻa nau tali ʻa e kau palōfitá naʻe fakahaofi ʻa kinautolu, 3 Nīfai 10:12–13. Tokanga ki he ngaahi lea ʻa e toko hongofulu mā ua ko ʻení, 3 Nīfai 12:1. Neongo pē ko e fai ia ʻi hoku leʻo pē ʻoʻokú pe ʻi he leʻo ʻo ʻeku kau tamaioʻeikí, ʻoku tatau ai pē, T&F 1:38. He ke mou tali ʻene leá, ʻo hangē ko e lea ia mei hoku ngutu ʻoʻokú, T&F 21:5. Ko ia ia ʻokú ne tali ʻeku kau tamaioʻeikí, ʻokú ne tali au, T&F 84:35–38. Ko ia ia ʻokú ne tali aú, ʻokú ne tali ʻa kinautolu ʻa ia kuó u fekauʻi atú, T&F 112:20. Kapau ʻe ʻikai tokanga ʻa hoku kakaí ki he leʻo ʻo e kau tangata ko ʻeni ʻa ia kuó u filí, ʻe ʻikai ke tāpuakiʻi ʻa kinautolu, T&F 124:45–46.