Hangē ko hono ngāue ʻaki ʻi he folofolá, ko e paʻanga pe koloa ia ʻoku moʻua ai ki ha taha pea ʻoku tupu ai ʻa e pōpula ʻa e tokotaha ko iá. Ko e ʻuhinga foki ʻe taha, naʻe akoʻi ʻe Sīsū ke tau kole ki he Tamaí ke ne fakamolemoleʻi ʻa hotau ngaahi moʻuá, pe fakaʻatā ʻa kitautolu mei heʻetau totongi ki heʻetau ngaahi angahalá—tuʻunga ʻi he fakalelei ʻa Sīsū Kalaisí—ʻo ka hili ʻa ʻetau fakamolemoleʻi ʻa e niʻihi kehé mei heʻenau ngaahi kovi naʻe fai mai kiate kitautolú (Mātiu 6:12; 3 Nīfai 13:11).