ʻE lava ke hoko ʻa e kau Siú ko e (1) hako ʻo Siuta, ʻa ia ko e taha ʻo e ngaahi foha ʻe toko hongofulu mā ua ʻo Sēkopé, (2) ko e kakai ia ʻo e puleʻanga ʻo Siuta ʻi he feituʻu fakatongá ʻi he kuonga muʻá, pe (3) ko e kakai ʻoku nau tauhi ki he ngaahi meʻa fakalotu, ngaahi tōʻonga moʻui, mo e ngaahi ʻulungāanga tukufakaholo ʻo e tui faka-Siutá pea tatau ai pē pe naʻe fanauʻi mai kinautolu ko e Siu pe ʻikai. Kuo anga-maheni ʻaki hono ngāue ʻaki ʻo e foʻi lea Siú ʻo ʻuhinga ki he hako kotoa pē ʻo Sēkopé, ka ʻoku hala ia. ʻOku totonu ke fakangatangata pē ia kiate kinautolu ʻoku nau kau ki he puleʻanga ʻo Siutá pe, ko hono tuʻunga ʻi he ʻaho ní, ko kinautolu ʻoku nau kau ki he faʻahinga ʻo Siutá pea mo hono ngaahi kāingá.