Tokangá Vakai foki ki he Talangofuá; Telingá Ke fanongo mo talangofua ki he leʻo pe ngaahi akonaki ʻa e ʻEikí. ʻE fokotuʻu ʻe Sihova ha palōfita kiate koe ʻi ho ngaahi kāingá, ke mou tokanga kiate ia, Teut. 18:15. ʻOku lelei lahi ʻa e talangofuá ʻi he feilaulaú, 1 Sam. 15:20–23. Naʻe ʻikai te mau fanongo ki he kau tamaioʻeiki ʻa e ʻEikí, ko e kau palōfita, Taniela 9:6. Ko e kau māʻoniʻoni ʻa ia ʻoku tokanga ki he ngaahi lea ʻa e kau palōfitá, ʻe ʻikai fakaʻauha ʻa kinautolu, 2 Nīfai 26:8. Kapau ʻe ʻikai te mou fanongo ki he leʻo ʻo e tauhi-sipi leleí, ʻoku ʻikai ko ʻene fanga sipi ʻa kimoutolu, ʻAlamā 5:38 (Hilam. 7:18). Tokanga mai ʻa kimoutolu ʻa e kakai ʻo hoku siasí, T&F 1:1. Ko kinautolu ʻoku tokanga ki he leʻo ʻo e Laumālié ʻoku fakamaama ʻa kinautolu pea nau haʻu ki he Tamaí, T&F 84:46–47. ʻOku nau fakatuai ke tokanga ki he ʻEikí, ko ia naʻe fakatuai ʻene ʻafio ki heʻenau ngaahi lotú, T&F 101:7–9. ʻE tautea ʻa kinautolu ʻoku ʻikai tokanga ki he ngaahi fekaú, T&F 103:4 (Mōsese 4:4).