Siona

Ko ha tohi ʻi he Fuakava Motuʻá ʻa ia ʻoku fakamatala ki ha meʻa naʻe hoko ʻi he moʻui ʻa Sioná. Mahalo naʻe ʻikai ko Siona naʻá ne hiki ʻa e tohí. Ko e tefitoʻi fakakaukau ʻo e tohi ʻa Sioná, ʻoku pule ʻa Sihova ʻi he potu kotoa pē pea ʻoku ʻikai fakangatangata ʻa ʻene ʻofá ki ha puleʻanga pe kakai pē ʻe taha.

Naʻe ui ʻe he ʻEikí ʻa Siona ʻi he vahe 1, ke ʻalu ʻo malanga ki Ninive. Naʻe ʻikai fai ʻe Sione ʻa e meʻa kuo fekau ʻe he ʻEikí, kae hola ia ʻi ha vaka pea naʻe folo ia ʻe ha fuʻu ika lahi. Naʻe lotu ʻa Siona ʻi he vahe 2 ki he ʻEikí pea naʻe puʻaki mai ʻe he fuʻu iká ʻa Siona ki he fonua mōmoa. ʻOku tohi ʻi he vahe 3 naʻe ʻalu ʻa Siona ki Ninive ʻo ne kikite ki honau fakaʻauhá. Neongo iá, naʻe fakatomala ʻa e kakaí. ʻOku hanga ʻe he ʻEikí ʻo valokiʻi ʻa Siona ʻi he vahe 4, koeʻuhi ko ʻene ʻita ʻi hono fakahaofi ʻe he ʻEikí ʻa e kakaí.

Naʻe akoʻi ʻe Sīsū ʻoku hoko hono folo ʻe he iká ʻa Sioná ko hano fakamelomelo ia ʻo e pekia ʻa Sīsuú mo ʻene toetuʻú (Mātiu 12:39–40; 16:4; Luke 11:29–30).