Taitusí, Tohi kia

Naʻe fai ʻe Paula ʻa e tohi kia Taitusí lolotonga ʻa ʻene tauʻatāina fakataimi mei hono tuku pōpula ia ʻi Lomá, he naʻe ʻi Keliti ʻa Taitusi ia. Naʻe lahi pē ʻa e fakamatala ʻa e tohí ki he ngaahi fehuʻi fekauʻaki mo hono fakatonutonu ʻo e kāingalotú ʻi he loto siasí pea mo e anga hono fokotuʻutuʻu ʻo e Siasí.

ʻOku ʻi he vahe 1 ʻa e pōpoaki ʻa Paula mo haʻane ngaahi fakahinohino mo e ngaahi fakamatala mo e ngaahi meʻa ʻoku fie maʻu fakalūkufua mei he kau pīsopé. ʻOku ʻi he vahe 2–3 ha ngaahi akonaki fakalūkufua mo ha ngaahi pōpoaki fakafoʻituitui pē kia Taitusi ʻo kau ki he meʻa ke fai ki ha ngaahi kulupu kehekehe ʻi he Siasi ʻi Kelití. Naʻe hanga ʻe Paula ʻo poupouʻi hake ʻa e Kāingalotú ke nau ikunaʻi ʻa honau ngaahi faikehekehé, pea ke nau anga-fakamātoato mo faivelenga pea tauhi maʻu ʻa e ngaahi ngāue leleí.