ʻIlaisa

Ko ha palōfita ʻo e Fuakava Motuʻá ʻi he Puleʻanga ʻo ʻIsileli ʻi he Tokelaú pea ko ha toko taha faleʻi falalaʻanga ia ki ha tokolahi ʻo e ngaahi tuʻi ʻo e fonuá.

Naʻe angavaivai mo loto-ʻofa ʻa ʻIlaisa, pea naʻe ʻikai te ne maʻu ʻa e founga kakaha naʻe maʻu ʻe hono ʻeiki, ko ʻIlaisiaá. Ka naʻe fakamoʻoni ʻa e ngaahi mana naʻá ne faí (2 Ng. Tuʻi 2–5; 8), naʻá ne maʻu moʻoni ʻa e mālohi ʻo ʻIlaisiaá ʻi he taimi naʻá ne fetongi ai ʻa ʻIlaisiā ʻo hoko ko e palōfitá (2 Ng. Tuʻi 2:9–12). Hangē ko ʻení, naʻá ne taʻofi ʻa e ngaahi vai ʻo ha vai naʻe kona, peá ne vaeua ʻa e ngaahi vai ʻo e Vaitafe Soataní, peá ne ngaohi ke tupu ʻo lahi ʻa e lolo ʻa ha fefine uitou, pea fokotuʻu hake ha tamasiʻi mei he maté, pea fakamoʻui ha tangata mei he kiliá, pea fekauʻi ha toki ukamea ke tētē ʻi he fukahi vaí, pea taaʻi ʻa e kakai Sīlia ke nau kui (2 Ng. Tuʻi 2–6). Naʻe feʻunga mo e taʻu ʻe nimangofulu tupu ʻa e fuoloa ʻo ʻene ngāué lolotonga ʻa e pule ʻa Siholami, Sehū, Sihoahasi, mo Soasi.